топографиялық карта бойынша жергілікті жерді зерделеу

(Изучение местности по топографическим картам)

топографиялық карталар жергілікті жердің бейнеленуін нақты және толықтай бере алады. Олар жергілікті заттардың өзара орналасуын, олардың пішінін, мөлшерін, биіктік жағдайын және басқа көптеген сандық және сапалық сипаттамаларын көрнекі түрінде береді. Топографиялық картада жергілікті жер шартты белгілермен белгіленеді. Топографиялық картаның шартты белгілері – графикалық, әріптік және сандық белгілердің жүйесі. Олардың көмегімен картада жергілікті жер объектілерінің орналасқан орны көрсетіледі және олардың сапалық және сандық сипаттамалары беріледі. Бір затты бейнелейтін шартты белгілер түрлі масштабтағы карталарда өз сызбасы бойынша бірдей және тек мөлшерімен ғана өзгешеленеді. Карта жасау кезінде жергілікті жер элементтерінің бәрін көрсету мүмкін болмағандықтан, кейбір екінші кезектегі, аса маңызды емес жергілікті жер элементтері мүлде көрсетілмейді, ал басқалары жалпылай бейнеленеді.

Шартты белгілер масштабты, масштабтан тыс және түсіндірмелі болып бөлінеді.